-
"लग्न ...!"
लग्न म्हणजे नेमकं काय असतं...?
ते केवळ कर्तव्यबंधन नसतं तर
दोन मनांचं अतूट बंधन असतं
ते जबाबदारी नसून
आपल्याला हवंहवंसं वाटणारं
स्टेशन असतं...
नाजूक अशा गवताचं पातं असतं
म्हणूनच त्याला हळूवार जपायचं असतं
कर्तव्यपूर्तीने नव्हे,
तर एकमेकांच्या सुखदुःखाने
तुडुंब भरायचं असतं...
लग्न म्हणजे नेमकं काय असत...?
'आज लवकर येईन! 'असं म्हणत
त्याने कामावर जायचं असतं
उशीर झाला म्हणून तिने रुसताच
त्याने हळूच केसांत फूल माळायचं असतं ...
"आज छान दिसतेय!" असं म्हणून
तिचं सौंदर्य खुलवायचं असतं
तर "हा शर्ट शोभतोय तुम्हाला!"
असं म्हणून तिने भलतंच धीट व्हायचं असतं ...
लग्न म्हणजे नेमकं काय असतं...?
त्याच्या चुकांना तिने
पोटात घ्यायचं असतं
तर तिच्या दुःखांना त्याने
हृदयात सामावून घ्यायचं असतं...
त्याच्या बेफिकीरीला तिच्या
काळजीचं पांघरूण असतं
तर तिच्या दुःखाला त्याच्या
आधाराचं पांघरूण असतं...
लग्न म्हणजे नेमकं काय असतं...?
अबोल भावनांना अंतर्मनाने जाणायचं असतं
तो चिडला की तिने शांत राहायचं असतं
तिने रूसताच त्याने मनवायचं असतं...
झालंच भांडण तर
त्याला कवटाळायचं नसतं
एकाने विस्कटलं तरी
दुसऱ्याने सावरायचं असतं
लग्न म्हणजे नेमकं काय असतं...?
कधी दोघांचं मनोमिलन असतं
तर कधी दोघांचं भांडण असतं
संसारातल्या संशयवादळाला
दाराबाहेरच थोपवायचं असतं...
प्रेमाचं ते बंधन असतं
दोन अनोळखी जीवांचं मिलन असतं
सृष्टीनिर्मात्याने स्वर्गात बांधलेलं एक
रेशीमबंध असतं
म्हणून त्याला शेवटपर्यंत निभवायचं असत...

Comments

Post a Comment

Popular posts from this blog

-
🙏🌸🙏 *अचानक एका वळणावर सुख आणि दुखाःची भेट झाली*...... *दुखाःने सुखाला म्हटले--तू किती भाग्यवान आहेस, लोक तुला मिळवण्याच्या प्रयत्नात असतात*. *सुखाने हसून म्हटले--भाग्यवान मी नाही तू आहेस*..! *दुखाःने आश्चर्याने विचारले--—  ते कसे*? *सुखाने मोठया प्रामाणिकपणे उत्तर दिले, तू मिळाला की लोकाना आपली माणसं आठवतात परंतु मला मिळवून लोक आपल्या माणसाना विसरतात*.     *💐🌻   💐🌻*
Read more
-
*स्त्री यंत्र नाही हो .............!* स्त्री यंत्र नाही हो ,ती ही माणुस आहे . तीला ही मन आहे ,ह्रदय आहे. तीला ही भावना आहेत . ती ला ही हसावेसे वाटते . चारचौघांमध्ये मिसळावेसे वाटते . आपल्या विचारांना प्रकट करावेसे वाटते . काम करून ती ही थकते . ती ला ही आरामाची गरज असते . असे म्हणतात की या जगात कोणीही परिपुर्ण नाही ,मग एका स्त्री कडून ती परिपुर्ण होण्याची अपेक्षा का केली जाते . प्रत्येक वेळी तीच्या चुकांचा उहापोह का केला जातो ? का वारंवार केलेल्या चुकांच्या उहापोहामुळे तीच्यात न्युनगंड तर निर्माण होत नाही ना? कधी आळशी तर अकार्यक्षमतेची लेबल्स चढविली जातात . केवळ पोटाला जेवण ,अंगाला कपडा व चैनीला वस्तु एवढ्याच तीच्या गरजा असतात का? नाही , खरी गरज असते ती भावनिक आधाराची ,तीला समजुन घेणार्या आपल्या माणसाची ,तीला गरज असते प्रेमाची ,मायेची . तुमचा एक कौतुकाचा शब्द तीला दहा हत्तींचे बळ देऊन जाते . "तु थकली असशील ,थोडा आराम कर "हे प्रेमळ शब्द तीला नवीन उत्साह देऊन जातात . तीला ही तीच्या आवडी निवडी असतात . तीला ही मित्र मैत्रिणी असताच ,त्याच्यात बसावं गप्पा गोष्टी कराव्यात असही तीला ...
Read more
-
*टेन्शन घ्यायचंच नाही*... फक्त स्वतःशी प्रामाणिक राहून जगायचं...काही कमी पडत नाही...आणि फरक तर अजिबात पडत नाही... कारण, नशीब(कर्म+संधी) कधी ही बदलु शकते...काल परवा पर्यंत ज्याच्या जवळ स्वतः ची विमान कंपनी होती, आता त्याच्या जवळ साधा पासपोर्ट देखील राहिलेला नाही... एके काळी चहा विकणारा आज पृथ्वी प्रदक्षिणा घालत आहे.. आणि ज्याने सिक्युरिटी जॉब, इस्त्री दुकान असे कामे केली तो सैराट फिल्म काढून दुष्काळात कोटींचा मालक झाला... "जिंदगी मस्तीत पण शिस्तीत जगायची..."       ⚜ *_जन्म पुन्हा नाही_*  ⚜ थंड पाणी आणि गरम इस्त्री जसे कपड्यांवरच्या सुरकुत्या घालवतात,  तसेच शांत डोके आणि ऊबदार मन  आयुष्यातील चिंता घालवतात.       *_नेहमी हसत रहा_* ☺😉😊 💐🙏
Read more